Obituary

ಯಕ್ಷದೇವ ಸಂಶೋಧಕ ಅನಂತರಾಮ ಬಂಗಾಡಿ ನಿಧನ

ಜೋತಿಷ ಜ್ಞಾನರತ್ನ, ಯಕ್ಷದೇವ ಸಂಶೋಧಕ ಅನಂತರಾಮ ಬಂಗಾಡಿ (68) ಅವರು ಅಲ್ಪಕಾಲದ ಅಸೌಖ್ಯ ದಿಂದ ಮೇ 12ರಂದು ಪೂರ್ವಾಹ್ನ 11.45ಕ್ಕೆ ಸ್ವಗೃಹದಲ್ಲಿ ನಿಧನ ಹೊಂದಿದರು.

ದಕ್ಷಿಣ ಕನ್ನಡದ ಬೆಳ್ತಂಗಡಿಯ ಮಾಯಿಲ ಭಂಡಾರಿ ವಂಶದ ಕುತ್ರೊಟ್ಟು ಮಂಜು ಭಂಡಾರಿ ಮತ್ತು ಕಿನ್ಯಕ್ಕ ದಂಪತಿಯ ದ್ವಿತೀಯ ಪುತ್ರರಾದ ಅನಂತರಾಮ ಅವರು ತುಳು ಭಾಷೆಯಲ್ಲಿ ಜೋತಿಷ ಗ್ರಂಥವನ್ನು ಮೊತ್ತಮೊದಲ ಬಾರಿಗೆ ಬರೆದ ಸಂಶೋಧಕ. 150ಕ್ಕೂ ಅಧಿಕ ಯಕ್ಷಗಾನ ಪ್ರಸಂಗ ರಚಿಸಿದ ತುಳುನಾಡಿನ ಅಪರೂಪದ ಸಾಧಕ.

ವಿದ್ಯಾಭ್ಯಾಸ
1951ರ ನ.14ರಂದು ಜನಿಸಿದ ಅವರು ಪ್ರಾಥಮಿಕ ಶಿಕ್ಷಣವನ್ನು ಬಂಗಾಡಿಯಲ್ಲಿ ಪೂರೈಸಿ, ಹೈಸ್ಕೂಲು ವಿದ್ಯಾಭ್ಯಾಸ ವನ್ನು ಹಾಸನದ ಹೆತ್ತೂರಿನಲ್ಲಿ ಆರಂಭಿಸಿ ಎಸೆಸೆಲ್ಸಿ ಪೂರ್ಣ ಗೊಳಿಸಿದರು. ಕವಿ ನೀಲಕಂಠ ಭಟ್‌ ಶಿರಾಡಿಪಾಲರ ಮಾರ್ಗ ದರ್ಶನದಲ್ಲಿ ಕನ್ನಡರತ್ನ ಪರೀಕ್ಷೆಯನ್ನು ಖಾಸಗಿಯಾಗಿ ಬರೆದು ಶಿಮಂತೂರು ನಾರಾಯಣ ಶೆಟ್ಟರ ಮಾರ್ಗದರ್ಶನದಲ್ಲಿ ಯಕ್ಷಗಾನ ಛಂದಸ್ಸನ್ನು ಅಧ್ಯಯನ ಮಾಡಿದ್ದರು. ಜೋತಿಷಿ, ಸಾಹಿತಿ, ಹರಿಕಥಾ ಪ್ರವಚನಕಾರ, ನಾಟಕ ದಿಗªರ್ಶಕ, ತೊಗಲು ಬೊಂಬೆಯಾಟ ಸೇರಿದಂತೆ ವರ್ಣಾಲಂಕಾರ, ವಸ್ತ್ರಾಲಂಕಾರ, ಪಾಡªನ ಪರಿಣತಿ ಪಡೆದ ಬಹು ಅಪೂರ್ವ ಸಾಧಕರಾಗಿ ಜಿಲ್ಲೆಯ ಮನೆಮಾತಾಗಿದ್ದರು.

ಕ್ರೈಸ್ತ ಸಂತರ ಕಥೆಗಳನ್ನು ಯಕ್ಷಗಾನಕ್ಕೆ ಅಳವಡಿಸುವದ ರೊಂದಿಗೆ ಹೊಸ ಭಾಷ್ಯ ಬರೆದಿದ್ದರು. ಸಮಾನಮನಸ್ಕ ಸ್ನೇಹಿತರೊಡಗೂಡಿ “ಸೌಹಾರ್ದ ಕಲಾವಿದರು ಯಕ್ಷರಂಗ ಬಂಗಾಡಿ’ ಎಂಬ ತಂಡ ಕಟ್ಟಿ ಸುಮಾರು 15 ವರ್ಷ ಯಕ್ಷ ಕಲೆಯನ್ನು ಪಸರಿಸಲು ಅಪಾರ ಕೊಡುಗೆ ಸಲ್ಲಿಸಿದ್ದರು.

ನಮ್ಮ ಸೌಹಾರ್ದ ಕಲಾವಿದರ ಯಕ್ಷರಂಗ ಬಂಗಾಡಿ ತಂಡದ ಮೂಲಕ ಶಾಲಾ ಕಾಲೇಜುಗಳಲ್ಲಿ ಪರಿಸರ ಸಂರಕ್ಷಣೆ ಸಂದೇಶ ಸಾರಲು 50ಕ್ಕೂ ಹೆಚ್ಚು ಪ್ರದರ್ಶನಗಳನ್ನು ನೀಡಿದ್ದರು. ಫಿನ್ ಲ್ಯಾಂಡ್ – ಭಾರತದ ಜಾನಪದ ಅಧ್ಯಯನಕ್ಕಾಗಿ ಮತ್ತು ತುಳು ಶಬ್ದಕೋಶ ರಚನೆಗಾಗಿ ತುಳು ನಿಘಂಟು ಕಾರ್ಯಾಗಾರದಲ್ಲಿಯೂ ಸೇವೆ ಸಲ್ಲಿಸಿದ್ದರು.

ಪ್ರಶಸ್ತಿ ಪುರಸ್ಕಾರ
ಭಾರತೀಯ ಜೋತಿಷ ಸಂಸ್ಥೆಯಿಂದ “ಜೋತಿಷ ಜ್ಞಾನರತ್ನ, ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ, ಕುಬೆವೂರು ಪ್ರತಿಷ್ಠಾನ ಯಕ್ಷಗಾನ ಪ್ರಸಂಗ ಸಾಹಿತ್ಯ ಪ್ರಶಸ್ತಿ, ಕೊರಗಪ್ಪ ಪ್ರಶಸ್ತಿ ಪ್ರತಿಷ್ಠಾನ ಪುರಸ್ಕಾರ, ಗಣಪಯ್ಯ ಶೆಟ್ಟಿ ಸ್ಮಾರಕ ಪ್ರಶಸ್ತಿ, ಪುಳಿಂಚ ರಾಮಯ್ಯ ಶೆಟ್ಟಿ ಪ್ರತಿಷ್ಠಾನ ಪ್ರಶಸ್ತಿ, ಅಖೀಲ ಭಾರತ ತುಳು ಸಾಹಿತ್ಯ ಸಮ್ಮೇಳನ ಪ್ರಶಸ್ತಿ, ವಿಶ್ವ ತುಳು ಸಮ್ಮೇಳನ ಪ್ರಶಸ್ತಿ, ತುಳುನಾಡ ಸಿರಿ ಪ್ರಶಸ್ತಿ, ಸ್ಕಂದ ಪುರಸ್ಕಾರ ಮತ್ತು ಇತ್ತೀಚೆಗೆ ದೊರೆತ ಯಕ್ಷದೇವ ಪ್ರಶಸ್ತಿ ಜತೆಗೆ ನೂರಾರು ಸಂಘ – ಸಂಸ್ಥೆಗಳು ಅವರನ್ನು ಸಮ್ಮಾನಿಸಿ ಪುರಸ್ಕರಿಸಿವೆ.

-ಉದಯವಾಣಿ

ಹಿರಿಯ ಯಕ್ಷಗಾನ ಕಲಾವಿದ ನೆಬ್ಬೂರು ನಾರಾಯಣ ಭಾಗವತರು ಇನ್ನಿಲ್ಲ

ಬಡಗುತಿಟ್ಟು ಯಕ್ಷರಂಗದ ಹಿರಿಯ ಕಲಾವಿದ ನೆಬ್ಬೂರು ನಾರಾಯಣ ಭಾಗವತ ಅವರು ಶನಿವಾರ ನಿಧನರಾಗಿದ್ದಾರೆ. ಅವರಿಗೆ 83 ವರ್ಷ ವಯಸ್ಸಾಗಿತ್ತು. ಇವರ ನಿಧನದಿಂದ ಬಡಗುತಿಟ್ಟಿನ ಮೇರು ಭಾಗವತರ ಪರಂಪರೆ ಕೊಂಡಿಯೊಂದು ಕಳಚಿದೆ.

ಶಿರಸಿ ತಾಲೂಕಿನ ಹಣಗಾರಿನಲ್ಲಿರುವ ಸ್ವಗೃಹದಲ್ಲಿ ಶನಿವಾರ ಮುಂಜಾನೆ ಮನೆ ಅಂಗಳದಲ್ಲಿ ಬೆಳೆದಿದ್ದ ಹೂವುಗಳನ್ನು ಕೊಯ್ದು ದೇವರ ಫೋಟೋಗಳಿಗೆ ಹಾಕಿ ಎರಡು ಹೆಜ್ಜೆ ಇಡುತ್ತಿದ್ದಂತೆ ಹೃದಯಾಘಾತಕ್ಕೊಳಗಾದ ನೆಬ್ಬೂರರು, ಅಲ್ಲಿಯೇ ಕುಸಿದುಬಿದ್ದು ಕೊನೇ ಉಸಿರೆಳೆದರು. ನೆಬ್ಬೂರರು ಪತ್ನಿ ಶರಾವತಿ ಹೆಗಡೆ, ಪುತ್ರ ವಿನಾಯಕ ಮತ್ತು ಪತ್ರಿ ಶಕುಂತಲಾರನ್ನು ಅಗಲಿದ್ದಾರೆ.

ಇಂಪಾದ ಕಂಠಸಿರಿ: ಏಳು ದಶಕಗಳ ಕಾಲ ತಮ್ಮ ಇಂಪಾದ ಕಂಠದಿಂದ, ಶಾಸ್ತ್ರೀಯ ಹಾಗೂ ಶುದ್ಧ ಸಂಪ್ರದಾಯ ಬದ್ಧ ಭಾಗವತಿಕೆಯಿಂದ ಯಕ್ಷಗಾನ ರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ನೆಬ್ಬೂರರು, ಬಡಗುತಿಟ್ಟಿನ ಮೇರು ಭಾಗವತರಲ್ಲಿ ಒಬ್ಬರಾಗಿದ್ದರು. ಯಕ್ಷಗಾನದ ಮೂಲ ಶೈಲಿಗೆ ಧಕ್ಕೆಯಾಗದಂತೆ ತಮ್ಮದೇ ಆದ ವಿಶಿಷ್ಟ ಹಾಡುಗಾರಿಕೆಯಿಂದ ಅಪಾರ ಪ್ರೇಕ್ಷಕರ ಪ್ರೀತಿ, ಗೌರವ ಗಳಿಸಿದ್ದ ನೆಬ್ಬೂರರು, ಪೌರಾಣಿಕ ಪ್ರಸಂಗಗಳಿಗೆ ಅನಿವಾರ್ಯ ಎಂಬ ಮಟ್ಟಿಗೆ ಬೆಳೆದು ನಿಂತರು.

1936ರಲ್ಲಿ ಗಣಪಿ ಹೆಗಡೆ ಹಾಗೂ ದೇವರು ಹೆಗಡೆ ದಂಪತಿಗಳ ಮಗನಾಗಿ ಹುಟ್ಟಿದ ನಾರಾಯಣ, ಓದಿದ್ದು ನಾಲ್ಕನೇ ತರಗತಿ. ನಂತರ ಗೋಕರ್ಣದ ಶಿಕ್ಷಕ ಸುಬ್ರಾಯ ಬಸ್ತೀಕರ ಹಾಗೂ ಕೊಡಗಿಪಾಲ ಗಣಪತಿ ಹೆಗಡೆ, ಶಿವರಾಮ ಹೆಗಡೆ ಅವರ ಒಡನಾಟದಿಂದ ಯಕ್ಷಗಾನದ ಗೀಳು ಹೆಚ್ಚಿಸಿಕೊಂಡರು.

ಬಹುತೇಕರಿಗೆ ಭಾಗವತಣ್ಣ, ನಾಣಿ ಭಾಗೋತ್ರು, ನಾರಾಯಣ ಭಾಗವತಣ್ಣ ಎಂದೇ ಹೆಸರಾಗಿದ್ದ ನೆಬ್ಬೂರರು, ಕೆರೆಮನೆ ಮೇಳದ ಶಿವರಾಮ ಹೆಗಡೆ ಅವರ ಗರಡಿಯಲ್ಲಿ ಪಳಗಿ, ಮಹಾಬಲ ಹೆಗಡೆ, ಶಂಭು ಹೆಗಡೆ ಅವರ ಒಡನಾಟದಲ್ಲಿ ಹೆಸರು ಮಾಡಿದರು. ಪೌರಾಣಿಕ ಯಕ್ಷಗಾನದಲ್ಲಿ ತಮ್ಮದೇ ಛಾಪು ಮೂಡಿಸಿ ನೆಬ್ಬೂರು ಶೈಲಿ ಹುಟ್ಟು ಹಾಕಿದರು. ಕೋಟ ಅಮೃತೇಶ್ವರಿ ಮೇಳ, ಇಡುಗುಂಜಿ ಕೆರೆಮನೆ ಮೇಳಗಳಲ್ಲಿ ಮೂರು ತಲೆಮಾರಿನ ಕಲಾವಿದರನ್ನು ಕುಣಿಸಿ, ಮೆರೆಸಿದ ಹೆಗ್ಗಳಿಕೆ ಇವರದ್ದು.

ಸಂದ ಪ್ರಶಸ್ತಿಗಳು: ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ, ರಾಜ್ಯ ಜಾನಪದ ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ, ಕೆರೆಮನೆ ಶಿವರಾಮ ಹೆಗಡೆ ಪ್ರಶಸ್ತಿ, ಶೇಣಿ ಪ್ರಶಸ್ತಿ, ಪ್ರೊ| ಬಿ.ವಿ.ಆಚಾರ್ಯ ಪ್ರಶಸ್ತಿ, ಸಾರ್ಥ ಪ್ರಶಸ್ತಿ, ನಾವುಡ ಪ್ರಶಸ್ತಿ, ಶ್ರೀ ಅನಂತ ಪ್ರಶಸ್ತಿ, ವಿಠಲ ಶಾಸ್ತ್ರಿ ಪ್ರಶಸ್ತಿ, ಶ್ರೀರಾಮ ವಿಠಲ ಪ್ರಶಸ್ತಿ, ಕೆರೆಮನೆ ಶಂಭು ಹೆಗಡೆ ವಜ್ರಮಹೋತ್ಸವ ಪ್ರಶಸ್ತಿಗಳು ಇವರ ಮುಡಿಗೇರಿವೆ. ನೆಬ್ಬೂರು ನಾರಾಯಣ ಭಾಗವತರ ಹೆಸರಿನಲ್ಲಿ ಪ್ರತಿಷ್ಠಾನ ಕೂಡ ಕಾರ್ಯ ನಿರ್ವಹಿಸುತ್ತಿದೆ.

ಅಗರಿ ರಘುರಾಮ ಭಾಗವತ ನಿಧನ

ಅಗರಿ ರಘುರಾಮ ಭಾಗವತರು

ಅಗರಿ ಶೈಲಿಯ ಖ್ಯಾತ ಭಾಗವತ, ಎರಡು ತಲೆಮಾರಿನ ಭಾಗವತರ ನಡುವಿನ  ಕೊಂಡಿಯಂತಿದ್ದ ಅಗರಿ ರಘುರಾಮ ಭಾಗವತರು (84) ಜ. 27ರಂದು ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ಹೊಂದಿದರು. ಅವರು ಅಗರಿ ಎಂಟರ್‌ಪ್ರೈಸಸ್‌ ಮಾಲಕ ಅಗರಿ ರಾಘವೇಂದ್ರ ರಾವ್‌ ಸಹಿತ ಮೂವರು ಪುತ್ರರು ಹಾಗೂ ಪುತ್ರಿಯನ್ನು ಅಗಲಿದ್ದಾರೆ.

ವರ್ತಮಾನ ಕಾಲದಲ್ಲಿ ತೆಂಕುತಿಟ್ಟಿನ ಅತಿ  ಹಿರಿಯ ಭಾಗವತರಾಗಿದ್ದ ಅವರು ಅಗರಿ ಶೈಲಿಯ ಸಮರ್ಥ ಪ್ರತಿನಿಧಿಯಾಗಿದ್ದು,  ಪರಂಪರೆ ಹಾಗೂ ಸಂಗೀತ  ಶೈಲಿಯನ್ನೂ ಅರಿತಿದ್ದ ಅಪರೂಪದ ಭಾಗವತರೆನಿಸಿಕೊಂಡಿದ್ದರು.

ಖ್ಯಾತ ಭಾಗವತರಾಗಿದ್ದ ದಿ| ಅಗರಿ  ಶ್ರೀನಿವಾಸ ಭಾಗವತ – ರುಕ್ಮಿಣಿ ಅಮ್ಮನವರ  ಪುತ್ರರಾಗಿ 1935ರಲ್ಲಿ ಜನಿಸಿದ್ದ ಇವರು ಸುರತ್ಕಲ್‌ ವಿದ್ಯಾದಾಯಿನಿ ಹಾಗೂ ಮಂಗಳೂರಿನ ಅಲೋಶಿಯಸ್‌ ಕಾಲೇಜಿನ ಹಳೆ ವಿದ್ಯಾರ್ಥಿ. ಕರ್ನಾಟಕ ಸರಕಾರದ ಶಿಕ್ಷಣ ಇಲಾಖೆಯಲ್ಲಿ ನೌಕರಿಗೆ ಸೇರಿದ್ದ ಅವರಿಗೆ ಬಾಲ್ಯದಲ್ಲೇ ಯಕ್ಷಗಾನದ ಆಸಕ್ತಿ ಬೆಳೆದಿತ್ತು. ತಂದೆಯವರನ್ನೇ ಗುರುವಾಗಿ ಸ್ವೀಕರಿಸಿ ಭಾಗವತಿಕೆಯ ಪಟ್ಟುಗಳನ್ನು ಕರಗತ ಮಾಡಿಕೊಂಡಿದ್ದರು.

ಸರಕಾರಿ ನೌಕರಿಯಲ್ಲಿದ್ದರೂ ಸುರತ್ಕಲ್‌ ಮೇಳದಲ್ಲಿ ಪೂರ್ಣ ಪ್ರಮಾಣದಲ್ಲಿ ಭಾಗವತರಾಗಿದ್ದರು. ತುಳುನಾಡ ಸಿರಿ, ಶನೈಶ್ಚರ ಮಹಾತ್ಮೆ, ಪಾಪಣ್ಣ ವಿಜಯ, ಸಾಧ್ವಿ ಸದಾರಮೆ, ತಿರುಪತಿ ಕ್ಷೇತ್ರ ಮಹಾತ್ಮೆ, ಬೇಡರ ಕಣ್ಣಪ್ಪ , ಚಂದ್ರಾವಳಿ ವಿಲಾಸ ,  ಬಪ್ಪನಾಡು ಕ್ಷೇತ್ರ ಮಹಾತ್ಮೆ, ಕೋಟಿ ಚೆನ್ನಯ, ಕೋರ್ದಬ್ಬು ಬಾರಗ, ಸತಿ ಶೀಲವತಿ , ಕಡುಗಲಿ ಕುಮಾರ ರಾಮ , ನಾಟ್ಯರಾಣಿ ಶಾಂತಲಾ, ಶೀಂತ್ರಿದ ಚೆನ್ನಕ್ಕೆ , ಬಲ್ಮೆದ ಭಟ್ರ್, ಸರ್ಪ ಸಂಕಲೆ , ರಾಜಾ ಯಯಾತಿ  ಮುಂತಾದ ಪ್ರಸಂಗಗಳು ಸುರತ್ಕಲ್‌ ಮೇಳದಲ್ಲಿ ಜಯಭೇರಿ ಬಾರಿಸುವಲ್ಲಿ ಇವರ ಕೊಡುಗೆ ಅಪಾರವಿತ್ತು.

ಪ್ರಶಸ್ತಿ: ವಿಟ್ಲ ಜೋಷಿ ಪ್ರಶಸ್ತಿ, ಕುರಿಯ ಪ್ರಶಸ್ತಿ, ಉಳ್ಳಾಲ ಶ್ರೀನಿವಾಸ ಮಲ್ಯ ಪ್ರಶಸ್ತಿ, ತ್ರಿಕಣ್ಣೇಶ್ವರ ಪ್ರಶಸ್ತಿ, ಪದ್ಯಾಣ ಪ್ರಶಸ್ತಿ, ಪೊಲ್ಯ ದೇಜಪ್ಪ ಶೆಟ್ಟಿ ಪ್ರಶಸ್ತಿ, ಜಗದಂಬಾ ಯಕ್ಷಗಾನ ಪ್ರಶಸ್ತಿ, ಕರಾವಳಿ ಯಕ್ಷಗಾನ ಪ್ರಶಸ್ತಿ, ಯಕ್ಷಲಹರಿ ಪ್ರಶಸ್ತಿ, ಯಕ್ಷ ಸಂಗಮ ಪ್ರಶಸ್ತಿ ಮುಂತಾದವು  ಇವರಿಗೆ ಒಲಿದಿವೆ.  ಅವರ ಹೆಸರಿನಲ್ಲಿ ಮಕ್ಕಳು “ಅಗರಿ ಪ್ರಶಸ್ತಿ’ ನೀಡುತ್ತಿದ್ದಾರೆ.

ಹಿರಿಯ ಪತ್ರಕರ್ತ ಎ. ಈಶ್ವರಯ್ಯ ಇನ್ನಿಲ್ಲ

ಎ. ಈಶ್ವರಯ್ಯ

ಹಿರಿಯ ಪತ್ರಕರ್ತ,ಬಹುಮುಖ ಪ್ರತಿಭೆ ಅನಂತಪುರ ಈಶ್ವರಯ್ಯ (78) ಅಸೌಖ್ಯದಿಂದ ಡಿ. 30ರಂದು ವಿಬುಧಪ್ರಿಯನಗರದ ಸ್ವಗೃಹದಲ್ಲಿ ನಿಧನ ಹೊಂದಿದರು. ಮೃತರು ಪುತ್ರ, ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

ಈಶ್ವರಯ್ಯನವರು ಮೂಲತಃ ಕಾಸರಗೋಡಿನ ಅನಂತಪುರದವರು. ಉಡುಪಿ ಎಂಜಿಎಂ ಕಾಲೇಜಿನಲ್ಲಿ ಬಿ.ಎ. ಪದವಿಗಳಿಸಿ ಕೆಲವು ವರ್ಷಲೋಕೋಪಯೋಗಿ ಇಲಾಖೆಯಲ್ಲಿ ಸೇವೆ ಸಲ್ಲಿಸಿದ್ದರು. ಈ ಅವಧಿಯಲ್ಲಿ ಲೇಖನಗಳು ಸುಧಾ, ಮಯೂರ, ಕಸ್ತೂರಿ, ಪ್ರಜಾಮತ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದ್ದವು. ಸಿನೆಮಾ, ಸಂಗೀತ ಲೇಖನಗಳು ಫಿಲ್ಮ್ ಫೇರ್‌ ಪತ್ರಿಕೆಯಲ್ಲೂ ಪ್ರಕಟವಾಗಿತ್ತು. ಕಲಾವಿದರೂ ಆಗಿದ್ದ ಈಶ್ವರಯ್ಯನವರು ವಿವಿಧ ಸಂಗೀತ ಉಪಕರಣ, ಕರ್ನಾಟಕ ಸಂಗೀತ ಹಾಡುಗಾರಿಕೆ, ಯಕ್ಷಗಾನ ಭಾಗವತಿಕೆ ತಿಳಿದವರಾಗಿದ್ದರು. ವಿದ್ವತ್ಪೂರ್ಣ ವಿಚಾರ ಮಂಡಿಸುವ ವಾಗ್ಮಿಗಳೂ ಆಗಿದ್ದರು.

1972ರಲ್ಲಿ ‘ಉದಯವಾಣಿ’ಗೆ ಸಹಾಯಕ ಸಂಪಾದಕರಾಗಿ ಸೇರಿದ ಈಶ್ವರಯ್ಯನವರು, ನಾಲ್ಕು ದಶಕಗಳ ಕಾಲ ಪತ್ರಕರ್ತರಾಗಿ ‘ಉದಯವಾಣಿ’ ಸಮೂಹದಲ್ಲಿಯೇ ಸೇವೆ ಸಲ್ಲಿಸಿದರು. ಈಶ್ವರಯ್ಯನವರಿಗೆ ಆಂಗ್ಲ ಭಾಷೆ, ಸಾಹಿತ್ಯದಲ್ಲಿ ಅಪಾರ ಜ್ಞಾನಹೊಂದಿದ್ದರು.

ಇವರ ಸಾಧನೆಗೆ ರಾಜ್ಯ ಪತ್ರಿಕಾ ಅಕಾಡೆಮಿ, ಲಲಿತಕಲಾ ಅಕಾಡೆಮಿ, ಪೇಜಾವರ ಮಠದ ರಾಮವಿಠ್ಠಲ ಪ್ರಶಸ್ತಿ ಹಲವಾರು ಗೌರವ ಸಂದಿವೆ. ಈಶ್ವರಯ್ಯನವರಿಗೆ 70 ತುಂಬಿದಾಗ 2010ರಲ್ಲಿ ಉಡುಪಿ ಅಂಬಲಪಾಡಿ ದೇವಸ್ಥಾನದ ವಠಾರದಲ್ಲಿ ಇವರ ಎಲ್ಲ ಕ್ಷೇತ್ರಗಳ ಬಗೆಗೆ ವಿಚಾರ ಸಂಕಿರಣ, ಅಭಿನಂದ ನಡೆದಿತ್ತು.

ಹರಿದಾಸ ‘ಕೀರ್ತನ ಕೇಸರಿ’ ವಾದೀಶಾಚಾರ್

ನವ ವೃಂದಾವನ ಸೇವಾ ಪ್ರತಿಷ್ಠಾನ ಹೊಸಬೆಟ್ಟು (ಶ್ರೀ ರಾಘವೇಂದ್ರ ಮಠ) ಇದರ ಸಂಸ್ಥಾಪಕ ಹಾಗೂ ಖ್ಯಾತ ನರ್ತನ ಹರಿದಾಸ ‘ಕೀರ್ತನ ಕೇಸರಿ’ ವಾದೀಶಾಚಾರ್ (71) ಅವರು ನ. 4 ರಂದು ಸ್ವಗೃಹದಲ್ಲಿ ನಿಧನ ಹೊಂದಿದರು. ಮೃತರು ಪತ್ನಿ ಹಾಗೂ ಪುತ್ರನನ್ನು ಅಗಲಿದ್ದಾರೆ.

ಹರಿಕೀರ್ತನೆ ಮೂಲಕ ಅಪಾರ ಅಭಿಮಾನಿಗಳನ್ನು ಹೊಂದಿದ್ದ ಅವರು ಮಠದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೂ ಪ್ರೋತ್ಸಾಹ ನೀಡುತ್ತಿದ್ದರು. ಪುತ್ತಿಗೆ ಸುಗುಣೇಂದ್ರ ತೀರ್ಥರೊಂದಿಗೆ ದೇಶ ವಿದೇಶ ಪರ್ಯಟನೆಗೈದು ಧರ್ಮ ಬೋಧನೆ ಹಾಗೂ ಪ್ರಚಾರದಲ್ಲಿ ತೊಡಗಿದ್ದರು. ಟಿ. ವಿ. ವಾಹಿನಿಗಳಲ್ಲಿ ಧಾರ್ಮಿಕ ಪ್ರವಚನ ನೀಡುತ್ತಿದ್ದರು. ತಿರುಪತಿಯ ಟಿಟಿಡಿ ಯಿಂದ ಪುರಂದರ ಅನುಗ್ರಹ ಪ್ರಶಸ್ತಿ ಪಡೆದಿರುವ ಅವರನ್ನು ಹಲವಾರು ಸಂಘ ಸಂಸ್ಥೆ ಗಳು ಗೌರವಿಸಿವೆ.

Sri Peradanji Gopalakrishna Bhat

We have lost a Senior Artist-Actvist Sri Peradanji Gopalakrishna Bhat of Kotur, Kasargodu. He was 82. Sri Peradanji was a leading Organiser, actor and activist a silent, low profile achiever. He along with Sri Adka Goapalakrishna Bhat and Late M.V. Ballullaya (journalist) designed and executed the historical Malayalam Yakshagana Experiment which met with great success. We pray for his soul.

ಕಲಾವಿದ, ಪ್ರಸಂಗಕರ್ತ ಪೆರಡಂಜೆ ಕೆ.ಗೋಪಾಲಕೃಷ್ಣ ಭಟ್

ನಿವೃತ್ತ ಅಂಚೆ ಮಾಸ್ತರ್, ಹಿರಿಯ ಯಕ್ಷಗಾನ ಹವ್ಯಾಸಿ ಕಲಾವಿದ, ಪ್ರಸಂಗಕರ್ತ, ಸಂಘಟಕ ಪೆರಡಂಜೆ ಕೆ. ಗೋಪಾಲಕೃಷ್ಣ ಭಟ್ (72) ಅವರು ಅ.8ರಂದು ನಿಧನ ಹೊಂದಿದರು. ಮೃತರು ಪತ್ನಿ ಹಾಗೂ ಇಬ್ಬರು ಪುತ್ರರನ್ನು ಅಗಲಿದ್ದಾರೆ.

ಹಿರಿಯ ಪತ್ರಕರ್ತ ದಿ| ಎಂ.ವಿ. ಬಳ್ಳುಳ್ಳಾಯ ಅವರೊಂದಿಗೆ ಸೇರಿ ಕೋಟೂರು ಕಾರ್ತಿಕೇಯ ಕಲಾನಿಲಯವನ್ನು ಕಟ್ಟಿ ಬೆಳೆಸಿದ್ದರು. ಕೋಟೂರಿನಲ್ಲಿ ಅಂಚೆ ಕಚೇರಿ ತೆರೆಯಲು ಕಾರಣರಾಗಿ, ನಿವೃತ್ತರಾಗುವವರೆಗೆ ಮುಖ್ಯ ಅಂಚೆ ಮಾಸ್ತರ್ ಆಗಿ ದುಡಿದಿದ್ದರು. ಹವ್ಯಾಸಿ ನಾಟಕ ಕಲಾವಿದರಾಗಿ, ಯಕ್ಷಗಾನ ಸ್ತ್ರೀ ವೇಷಧಾರಿಯಾಗಿ ಪ್ರಸಿದ್ಧರಾಗಿದ್ದರು. ಲಂಕಾಪತನ, ರಾಜಾ ದಿಲೀವ, ಸ್ಕಂದ ಪರಿಣಯ, ಮುಳಿಯಾರು ಕ್ಷೇತ್ರ ಮಹಾತ್ಮೆ, ಸೌಭಾಗ್ಯ ಸುಂದರಿ, ದಕ್ಷಾಧ್ವರ (ಹವ್ಯಕ) ಯಕ್ಷಗಾನ ಪ್ರಸಂಗಗಳನ್ನು ರಚಿಸಿದ್ದಾರೆ. ಮೊದಲ ಬಾರಿಗೆ ಮಲಯಾಳ ಭಾಷೆಯಲ್ಲಿ ಕೊಲ್ಲೂರು ಕ್ಷೇತ್ರ ಮಹಾತ್ಮೆ ಯಕ್ಷಗಾನ ಪ್ರದರ್ಶಿಸಿದ ಖ್ಯಾತಿ ಇವರದ್ದಾಗಿದೆ

ಉದಯವಾಣಿ

ARTIST KARKALA GOVINDA PRABHU PASSES AWAY

A long serving Yakshagana Maddalegara  (percussionist),- Karkala Kabettu Govinda Prabhu passed away at the age of 84. He was a Maddalegara and Bhagavatha in many associations and especially was an active member of Sri Venkataramana Yakshgana Kala Samithi Karkala.

He was active in the period, 1960 to 2000. He was a very enthusiastic and dedicated lover of art and was a keen spectator even after retiring as an artist. His brother Late K Martappa Prabhu was also a Maddalegara.

 

D V Shivaramayya Passed Away

Sri D V Shivaramayya, a leading Yakshagana organiser passed away at his residence in Dombe, Khandika Sagara Shimoga District. He was 74. A dedicated Yakshagana patron, especially towards the Talamaddale form of Yakshagana.

D V S was the chief of the Thripuranthakeswara Yakshgana Sangha at Village Shirivante Sagara. He made the Shrivanthe Temple a pilgrim centre for Talamaddale. He worked for over 3 decades as the organiser of the Chaturmasya Yakhe Uday Kalavidaru hagana series there.

He was an able theater actor active with the the Udaya Kalavidaru Sagara. A friendly, fine gentleman and a committed art connoisseur DVS will be remembered long.

ಅಗಲಿದ ಹಿರಿಯ ಅರ್ಥದಾರಿ ಪಿ. ಎಲ್. ಉಪಾಧ್ಯಾಯರು

ಇತ್ತೀಚೆಗೆ ನಮ್ಮನಗಲಿದ ಹಿರಿಯ ತಾಳಮದ್ಡಲೆ ಅರ್ಥದಾರಿ, ಪಿ. ಎಲ್. ಉಪಾಧ್ಯಾಯರು (90) ಮಂಗಳೂರಿನ ಯಕ್ಷಗಾನ ವಲಯದಲ್ಲಿ ಒಬ್ಬ ಸ್ಮರಣಿಯ ಹಿರಿಯರು, 1975 ರ ತನಕ ತಾಳಮದ್ಡಲೆಯಲ್ಲಿ ಸಕ್ರಿಯರಾಗಿದ್ದರು.

ಆ ಬಳಿಕ ತನ್ನ ಉದ್ಯಮ – ಹೊಟೆಲ್ ದುರ್ಗಾಭವನ, ಮಣ್ಣಗುಡ್ಡೆ, ಇದರ ಬಗ್ಗೆ ಹೆಚ್ಚು ಗಮನ ಹರಿಸಬೇಕಾಗಿ ಬಂದುದರಿಂದ ತುಸು ದೂರ ಸರಿದರು. ಪೊಳಲಿ ಶಾಸ್ತ್ರಿ, ಕುಬಣೂರು ಬಾಲಕೃಷ್ಣ ರಾವ್, ಮಂದಾರ ಕೇಶವ ಭಟ್, ಮಾಧವ ಆಚಾರ್ಯ , ಹೊಸಬೆಟ್ಟು ನಾರಾಯಣ ರಾವ್, ಕೊಂಡಾನ ವಾಮನ ಹರಿದಾಸ್, ಕೂಳೂರು ಶಿವ ರಾವ್, ಬಾಳ ರಮಾನಾಥ ರಾವ್, ಮೊದಲಾದ ಕಲಾವಿದರ ಜತೆ ಸಕ್ರಿಯರಾಗಿದ್ದರು. ಅವರ ಶ್ರೀರಾಮ, ಸುಧನ್ವ, ಕೈಕೇಯಿ, ಧರ್ಮರಾಜ, ವಿಧುರ ಇತ್ಯಾದಿ ಪಾತ್ರಗಳು ಅವರಿಗೆ ಪ್ರಸಿದ್ಧಿ ನೀಡಿದ್ಡವು. ಮಂಗಳೂರಿನ ಬ್ರಾಹ್ಮಣ ಸಭಾ, ಮತ್ತು ಇತರ ಹಲವು ಸಾಂಸ್ಕೃತಿಕ ಸಂಘಟನೆಗಳಿಗೆ ಬೆಂಬಲ ನೀಡುತ್ತಿದ್ದ ಉಪಾಧ್ಯಾಯರು ಓರ್ವ ಮಿತಭಾಷಿ, ಸ್ನೇಹ ಪೂರ್ಣ ನಡವಳಿಕೆಯ ಸುಸಂಸ್ಕೃತ ವ್ಯಕ್ತಿಯಾಗಿ ಆಪ್ತರಾಗಿದ್ದರು.

– ಡಾ. ಎಂ. ಪ್ರಭಾಕರ ಜೋಶಿ, ಮಂಗಳೂರು

error: Content is protected !!
Share This